На жаль, be-classic, які заняў першае месца ў апытаньні, не прайшоў з-за вельмі агульнага ангельскага слова «classic» і пэўных аб'ектыўных тэхнічных прычынаў немагчымасьці яго ўжываньня ў якасьці назвы для сабтэгу беларускай мовы.
І палкі ў колы падчас рэгістрацыі ўсё ўстаўляў Тарасевіч, патрабуючы выманьня з камэнтароў да сабтэгу словазлучэньня «classical orthography», баючыся, як пасьля высьветлілася, што гэта можа выклікаць легітымізацыю клясычнага правапісу.
І яшчэ хачу нагадаць, што рэгістрацыя моўнага сабтэга для тарашкевіцы абсалютна не азначае, што яна больш ня можа пазначацца як «be». Клясычны правапіс або тарашкевіца ў любым з варыянтаў можа быць і зараз без праблемаў і абсалютна правільна пазначаная як «be». Як і любы іншы варыянт беларускай мовы.
